Ərəb investisiyasının məqsədi Gürcüstanda ölkənin iqtisadi inkişafına və cəmiyyətin iqtisadi güclənməsinə yeni dövr gətirəcək layihəni həyata keçirməkdir, – bu barədə Gürcüstanın xarici işlər naziri Maka Boçorişvili bildirib.

Nazirin dediyinə görə, layihə ölkənin rifahı naminə həyata keçirilir.

“Bu layihənin yayılan dezinformasiya ilə heç bir əlaqəsi yoxdur. Bu dezinformasiyaların yeganə məqsədi ölkəyə xarici investisiyaların gəlməsinə, Gürcüstanın iqtisadi güclənməsinə və inkişafına mane olmaqdır. Biz bir neçə dəfə oxşar dezinformasiya kampaniyalarını görmüşük və beləliklə ölkənin maraqları zədələnib. Bu isə ölkənin milli maraqlarının, iqtisadi güclənmə şanslarının və məqsədlərinin zədələnməsinə yönəlmiş növbəti cəhddir”, – Boçorişvili bildirib.