Macarıstan parlament seçkilərində yüksək seçici fəallığı qeydə alınır.

Saat 11:00-a olan göstəricilərə görə, seçicilərin 37,98 faizi seçkilərdə iştirak edib ki, bu da 2022-ci ilin eyni göstəricisi ilə müqayisədə 25,77 faizdən xeyli yüksəkdir.

Macarıstan mediasının məlumatına görə, cəmi iki saat ərzində, saat 09:00-dan 11:00-a qədər bu göstərici 16,89 faizdən təxminən 38 faizə yüksəlib.

Seçicilərin sayı 2022-ci illə müqayisədə 876 mindən çox artıb.

Macarıstan mediasının yazdığına görə, analitiklərin qiymətləndirməsinə əsasən, seçici fəallığının yekunda təxminən 75–80 faiz olacağı ehtimal edilir. Yerli medianın məlumatına görə, bir neçə rayonda seçki məntəqələri qarşısında uzun növbələr müşahidə olunur.