Medianın məlumatına görə, Macarıstan, Avropa İttifaqının Ukrayna və Moldovaya üzvlüklə bağlı danışıqların 6-cı klasterinin açılması proseduruna başlamaq üçün rəsmi məktub göndərməsinə razılıq verib

Macarıstan, Avropa İttifaqının Ukrayna və Moldovaya üzvlüklə bağlı danışıqların 6-cı klasterinin açılması proseduruna başlamaq üçün rəsmi məktub göndərməsinə razılıq verib. Bu barədə media mənbələrə istinadən məlumat yayır.

Medianın yazdığına görə, bu qərar Macarıstanın mövqeyinin qismən yumşalmasını göstərir, lakin problemlərin bitməsi demək deyil, çünki Budapeşt hələ də digər dörd klaster üzrə prosedurun başlanması ilə razılaşmır.

Danışıqların 6-cı klasteri ümumi xarici siyasəti, həmçinin təhlükəsizlik və ticarət siyasətini və üçüncü ölkələrlə münasibətləri əhatə edir.

Medianın məlumatına görə, məktubun göndərilməsi hələ qeyd olunan sahədə danışıqların rəsmi şəkildə başlanması demək deyil, bu, sadəcə prosedur üçün atılan ilk addımdır.

İndi Ukrayna və Moldova öz mövqelərini təqdim edəcəklər. Bundan sonra Avropa Komissiyası müvafiq layihələr hazırlayacaq və bu layihələrin Avropa İttifaqının bütün üzv ölkələri tərəfindən yekdilliklə dəstəklənməsi lazım gələcək.

Medianın məlumatına görə, prosedurun növbəti mərhələləri plana uyğun davam edərsə, danışıqların 6-cı klasterinin rəsmi açılışı iyulun 14-də keçiriləcək iclasda baş tutmalıdır.

Medianın yazdığına görə, Brüsselin digər klasterlərin eyni vaxtda açılması ilə bağlı vahid mövqeyi yoxdur.