Livanın Səhiyyə Nazirliyinin məlumatına əsasən, İsrailin hücumu nəticəsində həlak olanların sayı 492-yə yüksəlib

 
Son məlumatlara əsasən, Livanda həlak olanların sayı 492-yə yüksəlib. Livanın Səhiyyə Nazirliyində həlak olanların arasında 35 uşaq və 58 qadının olduğunu bildirirlər.

Həmçinin, İsrail tərəfindən həyata keçirilmiş hücum nəticəsində 1645 nəfər yaralanıb.

2006-cı ildən sonra bu, İsrail tərəfindən Livan ərazisinə edilən və bu sayda tələfatla nəticələnən ən geniş miqyaslı hücumlardan biridir.

ABŞ-da Yaxın Şərqdə regional münaqişənin genişlənməsi təhlükəsindən danışırlar. “Politico” nəşrinin bir neçə gün əvvəl yazdığı kimi, amerikalı rəsmi şəxslər İsraillə “Hizbullah” arasında hərbi əməliyyatların sonrakı eskalasiyasını proqnozlaşdırırlar, bu da genişmiqyaslı müharibəyə səbəb ola bilər.