Livanın Səhiyyə Nazirliyi, Beyrutda portativ rabitə qurğularının partlaması nəticəsində 8 nəfərin həlak olması, 2800-ə qədər insanın isə yaralanması haqda məlumat verir

 
Livanın Səhiyyə Nazirliyi, Beyrutda portativ rabitə qurğularının partlaması nəticəsində 8 nəfərin həlak olması, 2800-ə qədər insanın isə yaralanması haqda məlumat verir.

Onların verdiyi məlumata əsasən, “Hizbullah”ın üzvünün azyaşlı övladı həlak olanlar arasındadır.

Kütləvi partlayışlardan sonra yayılmış bəyanatda “Hizbullah” hücumla bağlı geniş miqyaslı araşdırma aparıldığını açıqlayıb, lakin partlayışlarda birbaşa İsraili günahlandırmayıb.

“Hizbullah” əhalini düşmən tərəfindən aparılan “psixoloji müharibəyə” xidmət edə biləcək şayiələri, yalan və yanlış məlumatları başa düşməyə çağırıb.

Xəsarət alanlar arasında sıravi üzvlərlə yanaşı “Hizbullah”ın liderləri və onların müşavirlərinin olması haqqında məlumat yayılır. Partlayışların hədəfi əsasən “Hizbullah”ın üzvləri olub. Partlayışlar Livanın paytaxtı Beyrutun rayonlarından birində baş verib. Yerli media yazır ki, İsrail portativ rabitə qurğularını sındırmağa və onları partlatmağa nail olub.

Eyni zamanda, İran mediası yaralananlar arasında İranın Livandakı səfiri Moctaba Amaninin olduğu haqda məlumat yayır. Partlayışlar ehtimal ki, Suriyada da baş verib. Livanla mümkün eskalasiya gözləntisində İsrail hökumətinin üzvləri ölkənin Müdafiə Nazirliyinə toplaşırlar.