Litva, Polşa və Fransa Rusiya sərhədi yaxınlığında təlimlər keçirəcəklər
Litva, Polşa və Fransa Rusiya sərhədi yaxınlığında təlimlər keçirəcəklər.
Medianın məlumatına görə, “Gallant Boar 2026” beynəlxalq təlimləri 16-26 iyun tarixlərində Suvalki dəhlizi yaxınlığında, strateji əhəmiyyətli ərazidə keçiriləcək.
Onların məlumatına görə, “Gallant Boar 2026” beynəlxalq təlimlərinin əsas məqsədi birgə hərbi əməliyyatlar aparmaq və müttəfiq qüvvələr arasında hərəkətləri əlaqələndirməkdir. Təlimlər ölkələrin döyüş hazırlığının artırılmasına yönəldiləcək.
Bununla yanaşı, rəsmi məlumata görə, bu coğrafi baxımdan həyati əhəmiyyətli ərazinin sürətli və effektiv qorunmasını təmin etmək üçün lazımi bacarıqlar da təkmilləşdiriləcək.
Məlumat üçün bildirək ki, Suvalki dəhlizi Litva ilə Polşa arasında sərhəd sahəsidir və eyni zamanda Rusiya üçün öz anklavı olan Kalininqrad vilayəti ilə bağlayan ən qısa quru dəhlizidir.