“Gürcü Arzusu” Gürcüstan üzrə əhali ilə görüşür, onların problemlərini dinləyir və bu problemlərin həlli üçün planlar qurur. Radikal müxalifət isə, ötən ildə olduğu kimi, bu seçkilər ərəfəsində də müxtəlif xarici ölkələrin paytaxtlarına səfər edir”, – bu barədə “Gürcü Arzusu” fraksiyasının sədrinin birinci müavini Levan Maçavariani bildirib.

Onun dediyinə görə, radikal müxalifət ötən il olduğu kimi, seçkilərədək və seçkilərdən sonra necə davranmalı olduqları ilə bağlı xarici sahiblərindən təlimatlar alır.

Bununla yanaşı, Maçavarianinin bildirdiyinə görə, Gürcüstan əhalisinin əksəriyyəti dörd radikal partiyanın hamısının bir vertikaldan idarə olunduğuna əmin olub.

“Ötən il gördüyümüz eyni serial davam edir. “Gürcü Arzusu” olaraq biz Gürcüstanın bütün bölgələrində əhali ilə görüşür, onların problemlərini dinləyir və bu problemlərin həlli üçün planlar qururuq. Radikal müxalifət keçən il olduğu kimi, bu seçkilər ərəfəsində də müxtəlif ölkələrin paytaxtlarına gedir ki, 4 oktyabrla bağlı – yəni seçkilərə qədər nə etməlidirlər və seçkidən sonrakı dövrdə nə edəcəkləri ilə bağlı təlimatlar, tapşırıqlar alsınlar. Bizim vətəndaşlarımız bu hamısı gözündən qaçmır, çoxlu sual işarəsi yaranır və artıq faktiki olaraq xalqımızın əksəriyyəti əmindir ki, dörd radikal partiyanın hamısı bir vertikaldan idarə olunur. Onlar müstəqil qərarlar qəbul edə bilmirlər, xarici rəhbərlərdən soruşurlar necə hərəkət etsinlər və ümumiyyətlə ölkənin milli maraqları onları maraqlandırmır”, – Levan Maçavariani qeyd edib.