Nika Qilauri siyasətlə heç bir əlaqəsinin olmadığını bildirir və məntiqi sual yaranır, o, lobbiçilərə 600 min dolları nə üçün ödəyir? Nə üçün lobbiçilik etmək istəyir? – bu barədə “Gürcü Arzusu”nun üzvü Levan Maçavariani açıqlayıb.

Maçavarianinin dediyinə görə, bütün bunların siyasətlə bağlı olması məntiqi zəncirdir.

“O, niyə lobbiçilərə yarım milyon dollardan çox pul ödədiyi barədə açıqlama verməlidir. Əminəm ki, Qilauri siyasi hadisələrdə iştirak edir və o, cəbhə xəttində görünən Xabeişvilidən daha çox kölgədə qalan Milli Hərəkatın üzvüdür”, – Maçavariani bildirib.

Sabiq baş nazir Nika Qilauri sosial şəbəkədə yazır: “Fond hesablarının dondurulması tam bir farsdır, Gürcüstanda yaxşılıq etmək, ehtiyacı olanların yanında olmaq, haqsız yerə zülmə məruz qalanlara kömək etmək qadağan edilə bilməz”.