Ərzaq Qiymətləri üzrə Hökumət Koordinasiya Komissiyasının bu dəfə gürcü istehsalçıları ilə növbəti iclası keçirildi. Biz istehsalçıları şəbəkələr və distribyutorlarla münasibətlərində ümumiyyətlə narahat edən problemlərdən danışdıq, – bu barədə Hökumət Administrasiyasının rəhbəri Levan Jorjoliani bildirib.

Onun sözlərinə görə, hər kəs qiymətlərin endirilə biləcəyi ilə birmənalı şəkildə razıdır.

“Onlar həmçinin gürcü istehsalın dəstəklənməsi məsələsini qaldırıblar ki, bu da olduqca vacibdir. Çünki mövcud şəraitdən irəli gələrək tez-tez elə hallar baş verir ki, gürcü istehsalçı üçün məhsulunu daxili bazarda satışa çıxarmaqdansa, ixrac etməsi daha sərfəli olur. Söhbət məhz bu mühitin yaxşılaşdırılmasından gedirdi”, – Levan Jorjoliani bildirib.