ABŞ Dövlət Departamentinin nümayəndə heyəti ilə görüşdə biz Gürcüstan hökumətinin əlaqəlilik baxımından həyata keçirdiyi investisiyaları müzakirə etdik, – bu barədə Gürcüstan Hökuməti Administrasiyasının rəhbəri Levan Jorjoliani İctimai Yayımçının “Biznes Partnyoru” verilişində bildirib.

Levan Jorjoliani nümayəndə heyəti ilə görüşdə diqqət çəkilən məsələlər barədə danışıb.

“Biz Tramp dəhlizindən danışdıq, hansı ki, əlbəttə, bizim regionda yerləşir. Bu dəhliz Gürcüstanı keçmir, lakin biz qeyd etdik ki, əgər regionda amerikalıların yük daşımalarını təhlükəsiz təmin etdiyi bir dəhliz olsa, bu tamamilə regiona təsir edəcək. Amma eyni zamanda qeyd etdik ki, Türkiyə, Ermənistan və Azərbaycan — bizim dost ölkələrimiz — infrastruktur baxımından hələ də uzun yol keçməlidirlər və əgər onların iqtisadiyyatları inkişaf edəcəksə, iqtisadiyyatda bu adi bir aksiomadır ki, bu avtomatik olaraq qonşulara da təsir edəcək, çünki bizim hər üç cənub qonşumuzla çox yaxşı münasibətlərimiz var. Biz həmçinin Gürcüstan hökumətinin əlaqə baxımından həyata keçirdiyi investisiyaları nəzərdən keçirdik. Gürcüstan dənizə çıxışı olmayan səkkiz ölkə, eləcə də Ermənistan və Azərbaycan üçün dəhlizdir və müvafiq olaraq, Gürcüstanın yerləşdiyi yeri nəzərə alsaq, onun rolu çox vacibdir.

Biz yol, liman və dəmiryolu infrastrukturlarının inkişafına böyük məbləğdə investisiyalar qoyuruq. Demək olar ki, Azərbaycan və Qazaxıstanla artıq həmin yük daşımaları sahəsində çox sıx əməkdaşlığımız var”, – Levan Jorjoliani bildirib.

Hökumət Administrasiyasının rəhbəri qeyd edib ki, Dövlət Departamentinin nümayəndəsi gürcü gömrüyünün iş prosesini müsbət qiymətləndirib və gürcü tərəfindən erməni həmkarları ilə təcrübənin paylaşılmasını xahiş edib.

“ O, Sadaxlı gömrüyündə olub və orada hansı texnologiyaların tətbiq edildiyini, necə hazırlıqlı kadrlərin çalışdığını görüb və bizim erməni həmkarlarımızla bu təcrübəni paylaşmağımızı xahiş edib. Son dövrdə Ermənistan hökumətinin çox sayda nümayəndəsi Gürcüstana səfər edib. Bu gün isə biz prezidentə ev sahibliyi edirdik və ümumiyyətlə, Gürcüstan–Ermənistan, Gürcüstan–Azərbaycan münasibətləri nümunəvidir — qonşular arasında ola biləcək ən yaxşı münasibətlərdir. Bizim hökumət səviyyəsində çox yaxşı kommunikasiyamız var,” – deyə Levan Jorjoliani qeyd edib.