Düşünürəm ki, faktiki olaraq gürcü biznesini və gürcü cəmiyyətinin böyük bir hissəsini narahat edən bütün məsələyə, xüsusən perspektivə və gələcəyə baxışa, o cümlədən hakimiyyətin kursuna cavab verildi, çünki təəssüf ki, çoxlu izahata baxmayaraq, tez-tez ünsiyyətə baxmayaraq , bu məsələlər üzrə müxalifət qüvvələrinin və ya cəmiyyətin müxtəlif qruplarının nümayəndələri tərəfindən şikayət verilir – hökumətin birinci müavini, iqtisadiyyat və davamlı inkişaf naziri Levan Davitaşvili hökumət administrasiyasında biznes sektoru ilə görüşdən sonra bildirib.

Levan Davitaşvilinin məlumatına görə, baş nazir İrakli Kobaxidze ilə iri biznes nümayəndələri arasında görüş maraqlı, dialoq rejimində keçib.

“Orada Gürcüstanın ən iri biznesi, müxtəlif mövqe və fikirlərə malik iş adamları – hakimiyyətin kursunu dəstəkləyənlər və sualı olan insanlar təqdim olunmuşdu”, – Davitaşvili qeyd edib.

Baş nazirin birinci müavininin bildirdiyinə görə, Baş nazir İrakli Kobaxidze hakimiyyətin kursunu çox ətraflı izah edib.

“Biz seçki zamanı xalqa verdiyimiz vədlərə sadiqik – Avropaya ləyaqətlə, firavanlıqla gedirik və bu yol mütləq uğurlu olacaq və nəhayət ki, planlaşdırdığımız nəticələrə nail olacağıq. Baş nazir bütün bunlardan ətraflı və hərtərəfli danışdı. Təbii ki, biz cari proseslərə – cəmiyyətdə mövcud olan ifrat qütbləşməyə və bu gün ölkədə sabitliklə bağlı çağırışlara toxunduq. Təbii ki, həm biznes, həm də cəmiyyətin bütün qrupları ölkəmizdə dinclik və firavanlıq istəyir. Buna görə də, cəmiyyətimizin və ya biznesimizin müxtəlif qruplarının siyasi platformasından asılı olmayaraq, hesab edirəm ki, hərkəsin bir arzusu var – ölkədə daha çox firavanlıq və bəlkə də sabit və proqnozlaşdırıla bilən inkişaf mühiti olsun”, – Levan Davitaşvili qeyd edib.

Bununla yanaşı, Baş nazirin birinci müavini biznesin, ümumiyyətlə iqtisadi proseslərin siyasi hadisələrə yönəlik həssas olduğunu və buna görə də sülh və sabitliyin iqtisadi inkişafın davam etməsi üçün ilkin şərt olduğunu vurğulayıb. Beləliklə Levan Davitaşvilinin qeyd etdiyi kimi, bu, müzakirə mövzusu olub və söhbət mövcud gözləntilər ətrafında aparılıb. Onun məlumatına görə, Baş nazir İrakli Kobaxidze cari prosesləri və vəziyyəti ətraflı təhlil edib.

“Biz proqnozlar haqqında danışdıq, düşünürəm ki, biznesin böyük bir hissəsi üçün olduqca inandırıcı idi. Lakin görüş başa çatdıqdan sonra iş adamları da bəyanat veriblər, biznesdə müxtəlif fikirlərə malik olan insanlar, o cümlədən böyük biznes rəhbərləri var. Buna görə də təbii ki, dialoq davam etməlidir, baş nazir buna tam hazırdır”, – Levan Davitaşvili bildirib.