ABŞ-nin yeni administrasiyasının rəhbərliyində çox möhkəm bir mövqe mövcuddur ki, bu strateji əməkdaşlıq yalnız davam etməməli, həm də daha da dərinləşməli və keyfiyyətcə və məzmunca yeni bir mərhələyə keçməlidir, – bu barədə Gürcüstanın baş nazirinin birinci müavini Levan Davitaşvili ABŞ-a səfəri zamanı bildirib.

Baş nazirin müavininin dediyinə görə, əməkdaşlığın yeni mərhələsinə keçmək həm ABŞ, həm də Gürcüstan üçün əlverişli olacaq.

“Yeni administrasiyanın rəhbərliyində çox möhkəm bir mövqe mövcuddur ki, bu strateji əməkdaşlıq yalnız davam etməməli, həm də daha da dərinləşməli və keyfiyyətcə və məzmunca yeni bir mərhələyə keçməlidir, bu da praktik olaraq hər iki ölkə üçün faydalı olacaqdır”, – Baş nazirin birinci müavini qeyd edib.

Ağ Evin Milli Təhlükəsizlik Şurasında ABŞ prezidentinin xüsusi köməkçisi və Milli Təhlükəsizlik Şurasının Avropa məsələləri üzrə baş direktoru Endryu Pik ilə görüşdükdən sonra Levan Davitaşvili görüşün xüsusi və seçilmiş şəkildə əhəmiyyətli olduğunu bildirib.

“Ağ Evdə keçirilən görüş ABŞ-a səfər çərçivəsində xüsusi və seçilmiş şəkildə əhəmiyyətli və çox mənalı olmuşdur. Yeni administrasiya ilə “Gürcü Arzusu” hakimiyyətinin malik olduğu və Prezident Trampın baxışlarına tam uyğun gələn prioritetlər barədə danışmaq çox vacib idi və düşünürəm ki, mövqelərdə çox sıx uyğunluğun mövcud olmasından irəli gələrək, əməkdaşlıq perspektivləri çoxdur. Biz yeni administrasiya şəraitlərində iki ölkəmizin sahib ola biləcəyi imkanlar haqqında danışdıq”, – Baş nazirin birinci müavini görüş başa çatdıqdan sonra bildirib.

Baş nazirin birinci müavini ABŞ-a səfəri çərçivəsində ABŞ Dövlət Departamenti, Kommersiya və Xəzinədarlıq Departamentləri, Ticarət Nümayəndəliyi Ofisi, həmçinin, Beynəlxalq Valyuta Fondu və Dünya Bankının top-menecment nümayəndələri ilə görüşlər keçirib.