Latviyanın müdafiə naziri Andris Spruds ölkə ərazisinə iki pilotsuz uçuş aparatının düşməsi ilə bağlı məsuliyyəti üzərinə götürməyə hazır olduğunu bildirir.

Sprudsun sözlərinə görə, o, bir neçə müxalif partiya tərəfindən irəli sürülən istefa tələbi ilə bağlı parlamentin qərarına hörmətlə yanaşır.

Parlament hələ istefanı müzakirə etməyib.

Bununla yanaşı, bəzi müxalif partiyalar vəziyyəti hələ də qiymətləndirdiklərini bəyan edirlər.

Latviyanın Baş naziri Evika Silin müdafiə nazirini tənqid edir, lakin konkret olaraq istefa məsələsindən danışmayıb.

Məlumat üçün bildirək ki, bundan əvvəl Latviya ərazisinə Rusiyadan onların hava məkanına daxil olan iki pilotsuz uçuş aparatının düşdüyü barədə məlumat yayıldı. Ölkənin müdafiə nazirinin qeyd etdiyi kimi, ilk baxışdan bunlar Rusiya ərazisindəki hədəflərə doğru istiqamət alan Ukrayna pilotsuz uçuş aparatları ola bilərdi. Onun sözlərinə görə, bu, sadəcə bir ehtimaldır və məlumatın yoxlanılmasına ehtiyac var.