Daxili İşlər Nazirliyinin Kvemo Kartli Polis Departamentinin Bolnisi rayon şöbəsinin əməkdaşları zorakılıq və sağlamlığa qəsdən az ağır zərər vurma ittihamı ilə 2005-ci il təvəllüdlü A.K.-nı saxlayıblar.

İstintaqla müəyyən edilib ki, təqsirləndirilən şəxs Bolnisi bələdiyyəsinin kəndlərindən birində, mübahisə zəminində 1994-cü il təvəllüdlü N.N.-yə fiziki zorakılıq tətbiq edib.

Xəsarət alan şəxs müvafiq tibbi yardım üçün xəstəxanaya aparılıb.

Hüquq-mühafizə orqanlarının əməkdaşları tərəfindən aparılan istintaq hərəkətləri nəticəsində A.K. təqsirləndirilən şəxs qismində saxlanılıb.

İstintaq Cinayət Məcəlləsinin 118-ci və 126-cı maddələri ilə aparılır, bu da 4 ilədək müddətə azadlıqdan məhrum etməni nəzərdə tutur.