Krivoy Roqda Rusiya qüvvələrinin hücumu nəticəsində altı nəfər həlak olub, yaralıların sayı isə 91-ə yüksəlib

Ukraynanın Krivoy Roq şəhərində Rusiyanın bombalaması nəticəsində itki və yaralıların sayı artıb.

Ukrayna mediasının məlumatına görə, ticarət mərkəzinə dronlarla hücum nəticəsində altı nəfər həlak olub, 91 nəfər isə yaralanıb.

Yerli hakimiyyətin məlumatına görə, yaralılardan 21-nin vəziyyəti ağırdır, o cümlədən bir uşaq.

Ukrayna prezidenti Volodimir Zelenski ticarət mərkəzinə edilən hücum barədə danışıb və qeyd edib ki, dronlar mülki obyektə iki dəfə hücum edib.

“Ruslar Krivoy Roqda adi ticarət mərkəzinə qarşı tamamilə sarsaq və qorxaqca bir hücum həyata keçiriblər. Dronlarla hücumlar iki dalğa halında baş verib: birinci zərbə və atəşdən yarım saat sonra, hədəfi təcili yardım xidmətləri olan ikinci zərbə endirilib”, – Ukrayna prezidenti bildirib.

Zelenski hücumu terror aktı adlandırıb və beynəlxalq ictimaiyyəti təcavüzkara real təzyiqlə cavab verməyə çağırıb.