Krit adasında casusluqda şübhəli bilinən Azərbaycan vətəndaşı saxlanılıb
Yunanıstanın Krit adasında casusluqda şübhəli bilinən Azərbaycan vətəndaşı saxlanılıb. Yerli medianın yazdığına görə, saxlanılan şəxs ABŞ hərbi bazasının yaxınlığında yerləşən mehmanxanada qalan, 26 yaşlı Azərbaycan vətəndaşıdır. O, strateji cəhətdən əhəmiyyətli obyektlərin fotoşəkillərini çəkirdi.
Yayılan məlumata görə, saxlanılan şəxsin Polşa tərəfindən verilmiş vizası var. Onun nömrəsinə baxış zamanı 5000-dən çox foto və video aşkar edilib. İstintaqın məlumatına görə, gənc kişi həmçinin hərbi gəmilərin şəkillərini də çəkirdi.
Məlumat üçün bildirək ki, iyunun 21-də Kiprdə terror aktları hazırlamaqda təqsirləndirilən Azərbaycan vətəndaşı saxlanılıb. Yayılan məlumata görə, saxlanılan şəxs Kiprə Britaniya vizası ilə daxil olub və “İran İnqilabı Keşikçiləri Korpusu”nun tapşırığı ilə hərəkət edirdi.
Kipr və Yunanıstanın kəşfiyyat xidmətlərinin məlumatına görə, Aralıq dənizindəki NATO hərbi bazaları İsrail və İran arasında artan münaqişə şəraitində hədəfə çevrilə bilər. Buna görə də həmin obyektlərdə təhlükəsizlik tədbirləri gücləndirilib.