Kosovoda növbədənkənar parlament seçkiləri keçirilir
Kosovoda növbədənkənar parlament seçkiləri keçirilir. Səsvermə yerli vaxtla səhər saat 07:00-da başlayıb.
Kosovo miqyasında cəmi 2 550 seçki məntəqəsi var, səsvermə hüququndan isə iki milyon insan istifadə edə bilər.
Səhər saat 09:00-a olan məlumata görə, qeydiyyatdan keçmiş seçicilərin təxminən 3 faizi səs verib.
Bu, artıq son il yarımda keçirilən üçüncü növbədənkənar seçkilərdir.