Kiyev taxıl münaqişəsinin eskalasiyasına yol açarsa, Polşa daha çox Ukrayna məhsuluna embarqo qoya bilər. Polşa KİV bu barədə Polşanın Baş naziri Mateuş Moravietskinin danışdığını yazır.

Polşa hökumətinin başçısı Ukraynanın İqtisadiyyat və Ticarət nazirinin müavini Taras Kaçkanın bir neçə növ meyvə və tərəvəzə mümkün embarqo ilə bağlı bəyanatına cavab verib.

“Ukrayna hakimiyyətinə xəbərdarlıq edirəm, əgər bu, taxıl münaqişəsinin bu şəkildə eskalasiyasına yol açarsa, biz Polşada idxalı qadağan olunan məhsulların siyahısını genişləndirəcəyik” – Moravietski bildirib.

Polşanın Baş naziri bildirib ki, ölkəsi Ukrayna üçün çox şey edib və buna görə də onun maraqlarının başa düşüləcəyini gözləyir.

“Biz öz maraqlarımızı tam gücümüzlə müdafiə edəcəyik. Bu o deməkdir ki, biz, əlbəttə ki, Ukrayna tərəfindəki bütün problemlərə hörmətlə yanaşırıq, hərçənd fermerlərimizin maraqları bizim üçün birinci yerdədir”- Moravietski bildirib.

Xatırladaq ki, Aİ-nin üç ölkəsi tərəfindən Ukrayna taxılının idxalına qadağa qoyulması səbəbindən Kiyev Polşa, Slovakiya və Macarıstandan müəyyən növ məhsulların idxalına qadağa qoyulmasını istisna etmir. Konkret olaraq, soğan, pomidor, kələm və alma halında.