Ukraynanın Rusiya aviasiyasına endirdiyi zərbələr sülh üçün bir impuls ola bilər, – bu barədə ABŞ prezidentinin Ukrayna məsələləri üzrə xüsusi nümayəndəsi Kit Kelloq bildirib.

Kit Kelloqun dediyinə görə, cəsarətli liderlik və cəsarətli hərəkətlər döyüş meydanının xarakterini dəyişə bilər.

“Hərbi təcrübəmə və tarixə əsaslanaraq deyə bilərəm ki, cəsarətli liderlik və cəsarətli hərəkətlər döyüş meydanının xarakterini dəyişə bilər”, – Kit Kelloq yazır.

Onun dediyinə görə, belə liderliyi Ukrayna Təhlükəsizlik Xidməti, Müdafiə Nazirliyinin Baş Kəşfiyyat İdarəsi və müdafiə naziri Rustəm Umerov nümayiş etdirib.

“Bu hadisə sülh üçün bir impuls ola bilər, lakin hər iki tərəf prezident Trampın missiyasına sadiq olmalıdır – qan tökülməsini dayandırmaq və müharibəni bitirmək”, – deyə Kit Kelloq yazır.