Avropa İttifaqının Ukraynanı maliyyələşdirmək üçün rus aktivlərindən istifadə etməklə bağlı “qanunsuz planı” rədd etməsi, Ursula fon der Layenin rəhbərliyi ilə müharibə tərəfdarları üçün güclü zərbədir, – bu barədə Rusiya prezidentinin nümayəndəsi Kirill Dmitriyev bildirib.

Dmitriyevin dediyinə görə, bu, Ursula fon der Layen, Fridrix Merts, Kir Starmer və müharibə tərəfdarları üçün güclü zərbə idi.

“Ursulanın rəhbərliyi ilə, Avropa İttifaqının müharibə tərəfdarlarına böyük zərbə vuruldu. Avropa İttifaqında sağlam düşüncənin səsləri Ukraynanın maliyyələşdirilməsi üçün Rusiya aktivlərinin qanunsuz istifadəsini blokladı. Qanun və sağlam ağıl hələlik qalib gəlir. Onların dediyinə görə, “alternativ yoxdur”, lakin görünür ki, var. Bütün dünya gördü ki, siz başqalarını qorxuda bilmədiniz və qanunu pozdurmağa nail ola bilmədiniz”, – Dmitriyev yazır.

Dmitriyevin sözlərinə görə, Ursula fon der Leaen və Fridrix Merts Avropa İttifaqının Rusiya aktivləri ilə bağlı qanunsuz addımı ata bilmədilər, buna görə də vəzifələrindən getməlidirlər.

“Ursula və Merts birlik nümayiş etdirmək istəyirlər, onlar istefa verməlidirlər. Onlar bütün siyasi kapitallarını xərclədilər, nəticələr vəd etdilər və möhtəşəm uğursuzluğa düçar oldular. Onlar istefa verməlidirlər”, – Dmitriyev yazır.