Kir Starmer növbəti aylarda sosial media haqqında qanun layihəsi təqdim etməyi planlaşdırır. Bu barədə Böyük Britaniyanın baş naziri danışıb. Starmerin sözlərinə görə, hökumət yaxın aylarda uşaqların sosial mediaya çıxışını və süni intellektdən istifadəni tənzimləyəcək qanunvericiliyi təqdim etməyi planlaşdırır.

Londonda keçirilən tədbirdə çıxışı zamanı Böyük Britaniyanın baş naziri gənclərin sosial mediaya çıxışını yaxşılaşdırmaq üçün tədbirlər görəcəyinə söz verib. Lakin o qeyd edib ki, bu, mütləq 16 yaşadək uşaqlar üçün sosial medianın tamamilə qadağan edilməsi demək deyil.

Starmer qeyd edib ki, hökumət üç ay ərzində ideyanın tərəfdarları və əleyhdarları, xüsusən də gənclərlə məsləhətləşmələr aparıb, buna görə də son qərar verilərkən bütün arqumentlər nəzərə alınmalıdır.

“Məncə, bu o qədər vacib məsələdir ki, qadağanı bir imkan kimi nəzərdən keçirməliyik. Hər iki tərəfin güclü arqumentləri var. Bütün bunları hərtərəfli nəzərdən keçirməliyik. Biz illər deyil, aylar ərzində hərəkət etməliyik”, – Starmer bildirib.

Məlumat üçün bildirək ki, Fransa sosial media ilə bağlı daha sərt siyasət hazırlamağı planlaşdırır. Yunanıstan, İspaniya və Çexiya da 15-16 yaşlı yeniyetmələr üçün sosial mediadan istifadəni qadağan etməyi planlaşdırır. Bundan əvvəl isə 2025-ci ilin dekabrında Avstraliya dünyada 16 yaşadək yeniyetmələrin sosial platformalara çıxışını qadağan edən ilk ölkə oldu.