Britaniyanın baş naziri Kir Starmer ölkəsinin ABŞ-ın Venesuelaya qarşı həyata keçirdiyi hücumda iştirak etmədiyini bildirir.

Starmer qeyd edir ki, o, ABŞ prezidenti Donald Trampla danışmaq və baş verənlərlə bağlı daha çox məlumat əldə etmək istəyir.

“İlk növbədə, mən faktları müəyyən etmək istəyirəm. Prezident Tramp və onun müttəfiqləri ilə danışmaq istəyirəm. Mən tamamilə aydın deyə bilərəm ki, biz bu işə qarışmamışıq. Bildiyiniz kimi, mən həmişə deyirəm ki, biz hamımız beynəlxalq hüququ qorumalıyıq, lakin hazırki mərhələdə, sürətlə dəyişən vəziyyətdə gəlin faktları müəyyən edək və oradan başlayaq”, – Böyük Britaniyanın baş naziri bildirib.

Bununla yanaşı, Kir Starmerin sözlərinə görə, Venesuelada 500-ə yaxın Britaniya vətəndaşı var.

“Biz səfirliklə əməkdaşlıq edirik ki, onlara yaxşı baxılsın, onları qorusunlar və müvafiq məsləhətlər alsınlar. Bunun üçün səfirliklə birgə işləyirik. Bu, kiçik bir rəqəmdir, lakin əhəmiyyətlidir, təxminən 500 nəfərdir, beləliklə, biz bunu edirik”, – Starmer qeyd edib.