Avropa İttifaqının xarici siyasət və təhlükəsizlik məsələləri üzrə ali nümayəndəsi Kaja Kallas Rusiyayla danışıqlarda Avropa İttifaqının nümayəndəsi vəzifəsinə Almaniyanın keçmiş kansleri Gerhard Schröder-in təyin olunması ilə bağlı Vladimir Putin-in təklifini rədd edib.

Aİ-nin ali nümayəndəsi Brüsseldə, Avropa İttifaqı xarici işlər nazirlərinin görüşü başlamazdan əvvəl bildirib ki, Rusiyayla danışıqlarda Aİ nümayəndəsi postuna Gerhard Şröderin təyin olunması pis seçim olardı.

“Birincisi, əgər Rusiyaya bizim adımızdan danışacaq şəxsi seçmək hüququ versək, bu, o qədər də ağıllı addım olmaz; ikincisi, düşünürəm ki, Gerhard Şröder Rusiya dövlət şirkətlərinin yüksək səviyyəli lobbiçisi olub. Buna görə də Putinin niyə məhz onun bu şəxs olmasını istədiyi aydındır — beləliklə, o faktiki olaraq masanın hər iki tərəfində oturmuş olacaq”, – deyə Kallas bildirib.

Məlumat üçün qeyd edək ki, Rusiya Prezidenti Vladimir Putin mayın 9-da keçirilən mətbuat konfransında jurnalistin sualını cavablandırarkən Rusiya–Avropa danışıqlarında Aİ nümayəndəsi vəzifəsi üçün arzuladığı namizədin Almaniyanın keçmiş kansleri Gerhard Şröder olduğunu söyləmişdi.