Kanadanın Baş naziri Mark Karni Pekinə səfərindən sonra iki ölkə arasında yeni ticarət razılaşmalarının və tərəfdaşlığın dərinləşdirilməsi haqqında bəyanat verib.

“Bu, tarixi və məhsuldar iki gün olub”, – Karni qeyd edib.

Baş nazir Mark Karninin dediyinə görə, Kanada, kənd təsərrüfatı məhsullarına tətbiq olunan rüsumaların azaldılması müqabilində, Çinlə razılaşaraq, Çinin elektrikli avtomobillərinə tətbiq etdiyi 100%-lik rüsumu azaldacaq.

Kanada baş nazirinin qeyd etdiyi kimi, Çin istehsalı olan elektrikli avtomobillərin ixracı Kanadaya ilkin olaraq 49,000 ədəd ilə məhdudlaşdırılacaq, bu isə beş il ərzində 70,000-ə qədər artacaq.

Kanada baş nazirinin dediyinə görə, Çin 1 martdan etibarən kanola gömrük rüsumlarını 15%-ə qədər azaldacaq. Bununla yanaşı, Kanada noxudu, lobya və xərçəng 1 martdan etibarən ən azı ilin sonuna qədər rüsumlara məruz qalmayacaq. Mark Karninin izah etdiyi kimi, bu, Kanada fermerlərinə 3 milyard dollara qədər gəlir gətirə bilər.

Jurnalistin Çinin, yoxsa ABŞ-ın daha etibarlı tərəfdaş olub-olmadığı ilə bağlı sualına cavab olaraq, Karni bildirib ki, Çinlə münasibətlər səmimi və birbaşa dialoq sayəsində “daha proqnozlaşdırıla biləndir”. Lakin, o, ABŞ ilə münasibətlərin “daha çoxşaxəli” olduğunu qeyd edib.