Kanada sentyabrın 8-dən ABŞ-a qarşı cavab rüsumları tətbiq etməyi planlaşdırır

Kanada sentyabrın 8-dən ABŞ-a qarşı cavab rüsumları tətbiq etməyi planlaşdırır.

Medianın məlumatına görə, maliyyə naziri Fransua-Filip Şampan və kabinetin digər üzvləri yaxın saatlarda sentyabrın 8-dən etibarən Kanadaya idxal edildikdən sonra hansı Amerika məhsullarına vergi tətbiq olunacağını açıqlayacaqlar.

Qeyd etmək lazımdır ki, prezident Trampın qərarı ilə avqustun 22-dən etibarən ABŞ-da 20 milyard dollar dəyərində Kanada məhsullarına 50%-lik rüsum tətbiq olunur. 2027-ci il yanvarın 1-dən isə Kanada istehsalı olan avtomobillər, avtomobil ehtiyat hissələri və polad əlavə 50%-lik rüsumların tətbiq edilməsi təhlükəsi ilə üz-üzədir.

“Danışıqlar masası arxasında Kanadaya ABŞ-ın bir törəməsi kimi yanaşılması bizim qəbul edə biləcəyimiz bir şey deyil. Danışıqlar zamanı öyrəndik ki, amerikalılar avtomobil, polad və alüminium da daxil olmaqla, bizim əsas sənaye sahələrimizi məhv etmək istəyirlər”, – deyə Kanadanın Baş naziri Mark Karni bildirib.

Onun sözlərinə görə, danışıqlar zamanı onların imtina etmələrinin və bununla bağlı “bu, pis razılaşmadır” demələrinin əsas səbəbi də məhz budur.