Kaxetidəki dövlət nümayəndəsi – Təbii fəlakətin vurduğu ziyan kifayət qədər irimiqyaslıdır, əsasən yol infrastrukturu zədələnib və təmizləmə işlərinə artıq başlanılıb

Kaxetidəki dövlət nümayəndəsi Platon Kalmaxelidzenin məlumatına görə, Telavidə, təbii fəlakətin vurduğu ziyan irimiqyaslıdır.

Kalmaxelidzenin jurnalistlərə bildirdiyinə görə, əsasən yol infrastrukturu zədələnib və təmizləmə işlərinə artıq başlanılıb.

“Təbii fəlakətin vurduğu ziyan kifayət qədər irimiqyaslıdır. Ən əsası odur ki, əhali üçün heç bir təhlükə yoxdur. Sakinlərin təhlükəsizliyi naminə bələdiyyəyə təbii qaz və elektrik enerjisinin təchizatı hazırda məhdudiyyətlərlə həyata keçirilir və gün ərzində mərhələli şəkildə bərpa olunacaq.

Təbii fəlakət nəticəsində əsasən yol infrastrukturuna ziyan dəyib və ilkin təmizləmə işlərinə artıq başlanılıb. Təbii fəlakətin vurduğu ziyan yerində tam şəkildə qiymətləndiriləcək və bərpa işlərinə başlanılacaqdır. Koordinasiya Şurası toplanıb. Telavi bələdiyyəsində təbii fəlakətin vurduğu ziyanın mümkün qədər qısa müddətdə aradan qaldırılması üçün bütün nazirliklər və qurumlar səfərbər olunub”, – Kalmaxelidze bildirib.

Telavidə güclü yağıntı nəticəsində yaşayış evlərinin və binalarının birinci mərtəbələrini su basıb, elektrik ötürücü xətləri sıradan çıxıb, avtomobillərə ziyan dəyib.