Kaia Kallas – Rusiya döyüş meydanında dalana dirənib, buna görə də şəhər mərkəzlərinə qəsdən hücumlar etməklə Ukraynanı terror edir

Rusiya döyüş meydanında dalana dirənib, buna görə də şəhər mərkəzlərinə qəsdən hücumlar etməklə Ukraynanı terror edir, – bu barədə Avropa İttifaqının Xarici İşlər və Təhlükəsizlik Siyasəti məsələləri üzrə Ali Nümayəndəsi Kaia Kallas bildirib.

Kaia Kallas Rusiyanın hərəkətlərini terror aktı adlandırıb.

“Bu, mümkün qədər çox dinc sakini öldürmək məqsədi daşıyan dəhşətli terror aktlarıdır. Yayılan məlumata görə, Moskva nüvə başlıqlarının daşınması üçün nəzərdə tutulmuş sistemlərdən – “Oreşnik” tipli orta mənzilli ballistik raketlərdən istifadə edir. Bu, siyasi təhdid taktikasıdır və nüvə həddində ağılsız bir oyundur”, – Kallas sosial şəbəkədə yazır.