Avropa İttifaqı Rusiyaya qarşı 20-ci sanksiyalar paketini 23 fevralda, müharibənin başlamasının dördüncü ildönümündə təsdiqləməyi nəzərdən keçirir. Bu barədə Avropa Komissiyasının vitse-prezidenti Kaia Kallas bildirib.

Onun dediyinə görə, sanksiyalar Rusiya iqtisadiyyatına ciddi ziyan vuracaq və müharibə aparmaq imkanlarını daha da məhdudlaşdıracaq.

Məlumat üçün bildirək ki, Aİ səfirləri Rusiyaya qarşı 20-ci sanksiyalar paketi ilə bağlı razılığa gələ bilməyiblər. Yayılan məlumata görə, Aİ səfirləri 21-22 fevral tarixlərində Aİ xarici işlər nazirlərinin 23 fevralda keçiriləcək görüşündən əvvəl təklif olunan sanksiyaları müzakirə etmək üçün yenidən görüşə bilərlər. Yeni sanksiyalar paketi enerji, maliyyə xidmətləri və ticarət sahələrini əhatə edir.