Avropa İttifaqının xarici işlər üzrə rəhbəri Kaia Kalas ABŞ prezidenti Donald Trampa müraciət edir və deyir ki, Avropa Ukraynadakı müharibənin yükünü təkbaşına daşıya bilməz.

Kalasın sözlərinə görə, Ukraynaya Rusiya ilə müharibəni dayandırmağa kömək etməkdə təkcə Avropa məsuliyyət daşımır.

“Qətlin dayandırılacağına söz verən o idi. Buna görə də bu, bizdən asılı ola bilməz. ABŞ NATO-nun ən böyük müttəfiqidir. Deməli, əgər NATO-nun nə etməli olduğundan danışılırsa, bu, eyni zamanda Amerikanın nə etməli olduğuna da işarədir. Tramp haqlı idi. Biz neft və qaz alışını 80 faiz azaltmışıq, bu isə o deməkdir ki, əgər hamı bizim kimi davransa, təsir daha güclü olar. Biz sanksiyaların 19 paketini qəbul etmişik. Müttəfiqlər də bunu təkrarlasa, müharibə daha tez başa çatar”, – Kaia Kalas bildirib.