Cozef Borrell – Gürcüstanın demokratiyası və Avropa İttifaqına gedən yol üçün həlledici sınaq olacaq parlament seçkilərini gözləyək

Nazirlərin görüşündə biz Moldova və Gürcüstandakı vəziyyəti müzakirə etdik, hər iki ölkə gələcək həftələrdə mühüm seçkilər qarşısında dayanır”, – bu barədə Avropa İttifaqının xarici siyasət idarəsinin rəhbəri Cozef Borrell Avropa İttifaqı xarici işlər nazirlərinin görüşündən sonra keçirilən mətbuat konfransında bildirib.

Borrelin dediyinə görə, gələcək parlament seçkiləri Gürcüstan üçün həlledici sınaq olacaq.

Bununla yanaşı, Cozef Borrell bildirir ki, Moldova Rusiyanın artan hədə-qorxularına baxmayaraq, Avropa İttifaqı yolunda mühüm irəliləyiş əldə edir.

“Biz görürük ki, Rusiya hibrid hücumlar və geniş yayılmış qanunsuz seçici rüşvəti yolu ilə seçki prosesini pozmaq üçün səylərini əsirgəmir. Biz Moldova hökumətinin bu misli görünməmiş çağırışlar qarşısında dayanıqlılığını qiymətləndiririk və onu dəstəkləməyə davam edirik. Gürcüstanda vəziyyət daha pisdir. Hakim partiyanın son zamandaki hərəkətləri, bəyanatları, seçki vədləri ölkəni Avropa yolundan uzaqlaşdırır, avtoritarizmə meyl edir. Məhz buna görə də Avropa Ittifaqına üzvlük prosesi faktiki olaraq dayandırılır. Siz Komissiya tərəfindən Avropalı maliyyələşdirməsinə çıxışla bağlı qəbul edilən qərarlardan xəbərdarsınız. Gürcüstanın demokratiyası və Avropa İttifaqına gedən yol üçün həlledici sınaq olacaq növbəti parlament seçkilərini gözləyək”, – deyə Borrell bildirib.