Şimali Koreya və Cənubi Koreya “çox təhlükəli vəziyyətdədirlər”, burada təsadüfi toqquşma istənilən vaxt baş verə bilər, – bu barədə Cənubi Koreyanın Prezidenti Li Ce Mion bildirib.

Cənubi Koreya Prezidentinin sözlərinə görə, Şimali Koreya indi Cənub Koreyanı düşmən ölkə və əzəli düşmən kimi hesab edir, bütün əlaqə kanalı kəsilib və onlar hər hansı bir dialoqdan imtina edirlər, bu da çox təhlükəli bir vəziyyətdir.

“Cənubi və Şimali Koreya arasında möhkəm sülh rejimi qurularsa, ABŞ-Cənubi Koreyanın birgə hərbi təlimlərini dayandırmaq daha yaxşı olardı. Məsələyə gəlincə, bu mövcud şəraitdən asılı olacaq, bu, bir növ təsir vasitəsi ola bilər və ya nəticə ola bilər, amma indi bunu demək çətindir”, – Li Ce Mion bildirib.

Cənubi Koreya noyabrın 17-də sərhəddə silahlı toqquşmaların qarşısını almaq üçün Hərbi Demarkasiya Xətti boyunca dəqiq sərhədin çəkilməsini müzakirə etmək üçün Şimali Koreyaya hərbi danışıqlar aparmağı təklif edib. Şimali Koreya bu təklifə cavab verməyib.