Səfirlərin illik konfransı çərçivəsində bugünkü işgüzar sessiyada dayanıqlı sülhün təmin edilməsi, sabitliyin və təhlükəsizliyin möhkəmləndirilməsi, münaqişələrin sülh yolu ilə həlli ilə bağlı ölkəmiz üçün ali maraq kəsb edən və milli maraqlara uyğun məsələlər müzakirə olunub. Bu baxımdan, Gürcüstanın xarici ölkələrdəki səfirlərinə xüsusi rol və missiya verilir, – bu barədə dövlət naziri Tea Axvlediani bildirib.

Onun sözlərinə görə, Gürcüstan hakimiyyətinin sülh siyasətinin prioritetlərinin müzakirəsinə xüsusi diqqət yetirilib.

“Biz Abxaziya və Sxinvali bölgələrində davam edən işğalın yaratdığı çətin vəziyyətə baxmayaraq, barışıq və cəlb etmə siyasətinin, həmçinin sülh təşəbbüslərinin həyata keçirilməsi kontekstində əldə edilən nəticələri və qarşıya çıxan çağırışları müzakirə etdik. Düşünürəm ki, səfirlərlə keçirilən işgüzar sessiya çox məhsuldar və maraqlı oldu”, – nazir bildirib.

“Səfirlərin Konfransı 2025“-in çərçivəsində keçirilən „Ölkənin Müdafiə və Təhlükəsizliyinin Xidmətində Diplomatiya“ adlı işgüzar sessiyanı xarici işlər naziri Maka Boçorişvili açıb.

Panel müzakirəsində, Barışıq və Vətəndaş Bərabərliyi üzrə Dövlət Naziri Tea Axvlediani ilə yanaşı Baş nazir müavini, Gürcüstanın Müdafiə Naziri İrakli Çikovani, Daxili İşlər Naziri Qeka Qeladze və Ədliyyə Naziri Paata Salia iştirak ediblər.

Müzakirəyə xarici işlər nazirinin müavini Laşa Darsalia moderatorluq edib.