ABŞ Senatındakı Demokratlar Partiyasının lideri Çak Şumer jurnalistin həbs olunması ilə bağlı ABŞ-ı polis dövləti adlandırıb.

Amerikalı senatorun bildirdiyinə görə, administrasiya tarix boyu mövcud olmuş polis dövlətlərindən və avtoritar rejimlərdən fərqli davranmır, onlar jurnalisti öz işini yerinə yetirərkən həbs ediblər.

“Gəlin çox açıq şəkildə deyək ki, bu həbs yalnız bir jurnalistin bir hadisədə iştirakı ilə bağlı deyil. Bu, hər yerdəki jurnalistlərə bir mesajdır: əgər bu administrasiyanı tənqid etməyə cəsarət etsəniz, ehtiyatlı olun. Bu, demokratiya deyil. Bu, polis dövlətidir və təmiz avtoritar qəzəbdir. Hökumət vətəndaş azadlıqlarımızı basdırarsa demokratiya basdırılacaq. Don Lemon dərhal azadlığa buraxılmalı və ona qarşı irəli sürülmüş əsassız ittihamlar ləğv edilməlidir”, Çak Şumer bildirib.

Bundan əvvəl məlum olub ki, CNN-in keçmiş aparıcısı Don Lemon Minnesota ştatında kilsəyə daxil olub və ibadəti pozan immiqrasiya etirazçılarının aksiyasını lentə aldıqdan sonra saxlanılıb.