İtaliyanın müdafiə naziri Qvido Krosettonun bildirdiyinə görə, İtaliya Ukraynaya yeni yardım paketinin hazırlanması üzərində işləyir və bu, müharibənin başlanmasından bəri 12-ci paket olacaq.

Krosettonun izah etdiyi kimi, İtaliyanın Ukraynaya yönəlik mövqeyi dəyişməyib.

“Biz yeni bir paketi hazırlayırıq və onu tezliklə, digər paketlər kimi təqdim edəcəyik”, – İtaliyanın müdafiə naziri qeyd edib.

Ukraynanın hava müdafiə sistemlərinə dəstək məsələsi üzrə danışarkən Krosetto bildirib: “Onsuz da zəif olan İtaliyanın müdafiə qabiliyyətini zəiflətmədən, əlimizdə olan hər şeyi göndərdik”.

Məlumat üçün bildirək ki, İtaliya Ukraynaya müharibənin başlanmasından bəri 11 yardım paketi göndərib, onların ümumi dəyəri 2,5–3 milyard avro arasındadır.