İsveçrədə beş günlük matəm elan edilib.

İsveçrənin xizək kurortunda baş vermiş partlayış nəticəsində 40 nəfər həlak olub, ən azı 115 nəfər isə yaralanıb. Bir neçə nəfər itkin düşmüş hesab edilir, o cümlədən dostları ilə Yeni il gecəsini qeyd edən yeniyetmə.

Hakimiyyət nümayəndələrinin dediyinə görə, həlak olan şəxslərin şəxsiyyətini müəyyənləşdirmək üçün bir neçə gün lazımdır.

Medianın yazdığına görə, xəsarət alanlar çox gəncdir, yaşları 15-25 arasındadır. Xəsarət alanlar arasında turistlər də var.

Fransa, İtaliya və Avstraliya hakimiyyəti xəsarət alanlar arasında onların vətəndaşlarının olduğunu təsdiqləyib. Fransa Xarici İşlər Nazirliyi doqquz vətəndaşının yaralandığını bildirib. Həmçinin Avstraliya hakimiyyəti vətəndaşlarından birinin yaralandığını bildirib. İtaliyanın Xarici İşlər Nazirliyi 15 vətəndaşının hazırda xəstəxanada olduğunu bildirib.

İsveçrə prezidenti Qay Parmelini yanğını “ölkənin indiyə qədər yaşadığı ən dəhşətli faciələrdən biri” adlandırıb. Yanğının səbəbi hələlik məlum deyil, istintaq aparılır.

Məlumat üçün bildirək ki, partlayış yanvarın 1-də yerli vaxtla saat 01:30-da Yeni il şənliklərinin keçirildiyi Krans-Montana xizək kurortunda yerləşən “Le Constellation Bar and Lounge”da baş verib.