İsrailin Qəzzaya endirdiyi hava zərbələri nəticəsində ən azı doqquz nəfər həlak olub. Bu barədə Fələstin Mülki Müdafiə Xidməti və səhiyyə nümayəndələri məlumat yayırlar.

Onların bildirdiyinə görə, İsrailin məcburi köçkün ailələrinin çadır düşərgəsinə endirdiyi hava hücumlarında ən azı dörd nəfər, Qəzzanın cənubundakı Xan Yunisdə isə başqa bir hücumda beş nəfər həlak olub.

“Son bir neçə saatda İsrail Müdafiə Qüvvələri (İMQ) “HƏMAS”ın Beyt Hanoun ərazisində atəşkəs razılaşmasını açıq şəkildə pozmasına cavab olaraq zərbələr endirib. Terrorçular Sarı Xəttin şərqində yerləşən tuneldən çıxıblar. Silahlanmış şəkildə İsrail Müdafiə Qüvvələrinin qoşunlarının yaxınlığında Sarı Xətti keçmək atəşkəsin açıq şəkildə pozulmasıdır və “HƏMAS”ın İMQ qoşunlarına zərər vermək niyyəti ilə atəşkəs razılaşmasını sistematik şəkildə necə pozduğunu nümayiş etdirir.

Qəzza Səhiyyə Nazirliyinin məlumatına görə, tərəflər arasında atəşkəs elan olunduqdan sonra İsrailin hücumları nəticəsində azı 600 fələstinli həlak olub. İsraildə bildirirlər ki, həmin dövrdə Qəzzada silahlı şəxslər dörd israilli hərbçini qətlə yetiriblər.