İsrail Qəzza şəhəri və Xan Yunisə hücum edib
İsrailin hərbi qüvvələri Qəzza şəhəri və Xan Yunisə hava zərbələri endirib.
“Al Jazeera”nın məlumatına görə, atəşkəs razılaşması əldə olunmasına baxmayaraq, İsrail Qəzza zolağında hərbi fəaliyyəti dayandırmır.
Nəşrin məlumatına görə, həlak olanlar barədə məlumat yayılmayıb.
Eyni zamanda, “HƏMAS” Qəzza zolağının əhalisini İsrail Müdafiə Qüvvələrinə yaxınlaşmamağa çağırır.
Onların dediyinə görə, təhlükəsizlik tədbirləri səbəbindən İsrail Müdafiə Qüvvələrinin çıxarılması ilə bağlı rəsmi bəyanat verilməyənə qədər əhali anklavın sərhədlərinə yaxınlaşmamalıdır.
“Bu xəbərdarlığın pozulması həyatınıza təhlükə yaradır,” – bəyanatda deyilib.
Məlumat üçün bildirək ki, İsrail hökuməti Qəzza zolağında atəşkəs və girovların azad olunması planını təsdiqləyib, bu plan 24 saat müddətində qüvvəyə minəcək.
Plana əsasən, növbəti 72 saat ərzində “HƏMAS” qalan israilli girovları azad edəcək və həlak olanların cəsədlərini təhvil verəcək. İsraildə bildirirlər ki, proses oktyabrın 12-13-də baş tutacaq.
Planın birinci mərhələsinə görə, bütün girovlar azad edildikdən sonra İsrail 250 fələstinli məhbusu, həmçinin 7 oktyabr tarixindən sonra saxlanılan Qəzza zolağından olan 1 700 vətəndaşı azad edəcək.