İsrail Müdafiə Qüvvələri bildirir ki, İranın 4 000 kilometr fəaliyyət radiusuna malik uzaqmənzilli raketlər var.

Onların sözlərinə görə, bu, Tehranın “London, Paris və ya Berlinə çata bilən” bir silaha sahib olması deməkdir.

İsrail Müdafiə Qüvvələrinin bildirdiyinə görə, İran artıq regiondakı on iki ölkəyə hücum edib, lakin o, çox daha böyük zərər vura da bilər.

“İranın terrorçu rejimi “Aslanın nəriltisi” əməliyyatının başlanmasından sonra ilk dəfə təxminən 4 000 km uçuş radiusuna malik uzaqmənzilli raket buraxıb. 2025-ci ilin iyun ayında İsrail Müdafiə Qüvvələri “Yüksələn Aslan” əməliyyatı zamanı İran rejiminin Avropa, Asiya və Afrikadakı onlarla ölkəni təhdid edə biləcək 4 000 km mənzilli raketlər hazırlamağı planlaşdırdığını aşkarlayıb. İran rejimi bunu təkzib etdi. Biz deyirdik: İran terrorçu rejimi qlobal təhlükə yaradır və bu, artıq London, Paris və ya Berlinə çata bilən raketlərlə sübut olunub. İranın terrorçu rejimi regiondakı on iki ölkəyə qarşı hücumlar həyata keçirib və daha böyük təhlükə yaradan imkanlar inkişaf etdirir”, – bəyanatda deyilib.