İsrail "HƏMAS" lideri İzz əl-Din Həddadı zərərsizləşdirmək məqsədilə onun avtomobilinə hava zərbəsi endirib, onun öldürülməsi faktı isə hələlik təsdiqlənməyib

10:12, 16.05.2026

İsrail “HƏMAS” lideri İzz əl-Din Həddadın zərərsizləşdirilməsi məqsədilə onun olduğu məkan və avtomobilə hava zərbəsi endirib.

İsrailin Baş naziri Benyamin Netanyahu və Müdafiə naziri İsrael Kats birgə bəyanatlarında Həddadın 7 oktyabr qanlı hücumunun əsas təşkilatçılarından biri olduğunu qeyd ediblər.

İsrailin yüksək rütbəli rəsmilərindən birinin daha sonra bildirdiyinə görə, ilkin məlumatlar hava zərbəsinin uğurlu olduğunu və Həddadın, böyük ehtimalla, zərərsizləşdirildiyini göstərir.

Qəzzadakı həkimlərin məlumatına görə, həmin hava zərbəsi nəticəsində üç nəfər həlak olub, 20 nəfər yaralanıb, lakin həlak olanlar arasında Həddadın olub-olmadığı hələlik təsdiqlənməyib.

Müəllif - Nino Pashayeva

Dünya