İsrailin müdafiə naziri İsrael Kats ölkəsinin İrana qarşı müharibəni bərpa etməyə hazır olduğunu bildirir.

Katsın qeyd etdiyi kimi, “İsrail hərbçiləri, hər şeydən əvvəl Xamenei sülaləsinin məhvini başa çatdırmaq üçün ABŞ-dan yaşıl işıq gözləyirlər”.

Müdafiə naziri həmçinin qeyd edib ki, İranın enerji və iqtisadi infrastrukturuna hücum ölkəni “qaranlıq və daş dövrünə” qaytaracaq.

“Bu dəfə hücum fərqli və ölümcül olacaq və ən ağrılı yerlərdə dağıdıcı zərbələr endirəcək ki, bu da İranın təməllərini sarsıdacaq və məhv edəcək”, – Kats bildirib.

Məlumat üçün bildirək ki, İsrael Kats bir neçə həftə əvvəl Donald Trampın bəyanatını təkrarlayıb və bu bəyanata əsasən Tehran müqavilə imzalamasa, “daş dövrünə” qayıdacaq.