Ukraynada Rusiya tərəfində döyüşən işğal olunmuş Abxaziyadan olan 70-dən çox insan həlak olub, – bu barədə Rusiya mediasına müsahibəsində işğal olunmuş Abxaziyanın Xarici İşlər Nazirliyinin yeni rəhbəri Oleq Bartsits bildirib.

Bartsitsin dediyinə görə, Rusiya müharibə apararkən, Abxaziya sözlə deyil, əməllə onun yanında dayanır və Abxaziyadan könüllülər xüsusi hərbi əməliyyat zonasında döyüşürlər.

Oleg Bartsiz qeyd edib ki, döyüş zonasında Abxaziyadan gəlmiş könüllülər, jurnalistlər və həkimlər yaralılara kömək edirlər.

İşğal rejiminin nümayəndəsi bildirib ki, o, özü də humanitar missiya ilə xüsusi hərbi əməliyyat zonasında olub. Bununla yanaşı, Bartsits iyunun 6-da Rusiyaya gəlib və Rusiyanın xarici işlər naziri Sergey Lavrovla görüşüb.