İrina Vereşçuk Rusiyanın Milad bayramında Ukraynanın işğal olunmuş ərazilərində terror aktları planlaşdırdığını bildirir, vitse-baş nazir vətəndaşları diqqətli olmağa çağırır

Ukraynanın vitse-baş naziri İrina Vereşçuk Rusiyanın Milad bayramında Ukraynanın işğal olunmuş ərazilərində terror aktları planlaşdırdığını bildirir. Müvəqqəti İşğal Olunmuş Ərazilərin Reinteqrasiyası Nazirliyinin mətbuat xidməti müvafiq məlumat yayır.

“Ortodoks Milad bayramında rusların müvəqqəti işğal olunmuş ərazilərdəki məbədlərdə terror aktları hazırlaması ilə bağlı məlumat var” -deyə Vereşçuk qeyd edib.

Vitse-baş nazir vətəndaşları diqqətli olmağa çağırıb və insanların sıx olduğu yerlərə getməməyi tövsiyə edib. “Özünüzün və yaxınlarınızın qayğısına qalın. Ukrayna Silahlı Qüvvələrini gözləyin” -deyə İrina Vereşçuk açıqlayıb.

Yanvarın 5-də Rusiya Prezidenti Vladimir Putin müdafiə naziri Serqey Şoyquya Milad bayramı üçün atəşkəs rejimini tətbiq etməyi tapşırıb. Putinin fərmanına əsasən, Rusiyanın birtərəfli qaydada elan etdiyi atəşkəs rejimi Moskva vaxtı ilə yanvarın 6-sı günortadan başlayaraq, 7 yanvar saat 24:00-a kimi qüvvədə olacaq. Moskva Kiyevi də bu müddət ərzində atəşi dayandırmağa çağırıb. Kiyevdə Putinin təklifini yanıldıcı adlandırıblar.