İranın sabiq şahının oğlu, mühacirətdə olan Rza Pəhləvi dünyada yaşayan bütün iranlılara müraciət edir və İranda davam edən etiraz aksiyalarının beynəlxalq gündəmdə qalması üçün fəal mübarizə aparmağa çağırır.

Rza Pəhləvi X sosial şəbəkəsində dərc etdiyi videomüraciətində İran diasporunun “kritik rol” oynadığını bildirib. O, dünyanın hər yerində yaşayan iranlıları hökumət, siyasi və media təşkilatları ilə əlaqə saxlamağa və məlumat paylaşmağa çağırıb ki, media İranda davam edən nümayişləri işıqlandırmağa davam edə bilsin.

“Bu səsin beynəlxalq səviyyədə susdurulmasına icazə verməməliyik”, – Pəhləvi bildirir.

İranın sabiq şahının oğlu qeyd edib ki, bütün məhdudiyyətlərə baxmayaraq, İran xalqı cəsarətlə mübarizə aparmağa davam edir.