İsrail-Azərbaycan aliyansı kölgədən çıxır və açıq güc nümayişinə keçir, faktiki olaraq Xəzər dənizi və Cənubi Qafqaz vasitəsilə İrana yeni təzyiq xətti yaranır, – bu barədə “İran İnqilabı Keşikçiləri Korpusu”na bağlı Telegram kanalının bəyanatında qeyd edilib.

Bəyanata görə, bu, təkcə ölkələr arasında silah sövdələşməsi deyil, həm də potensial regional münaqişəyə hazırlıqdır.

Bəyanatda qeyd olunur ki, İsrailin silah agentliyi MAPAT-ın rəhbəri, doktor Daniel Gold, Bakıya nadir bir səfər edib. Bu, Sea Breaker/Ice Breaker raketlərinin ilk açıq nümayişi fonunda baş verib, bu raketlərin təsir radiusu yüksək texnologiyalı elektron müharibə mühitində 300 kilometrədəkdir.

“Azərbaycanda raketlərin nümayişi Tehran üçün birbaşa maneə hesab olunur. İsrail nümayəndə heyətinin səfəri İranın şimal sərhədlərində vəziyyətin gərgin olduğu vaxta təsadüf edib”, – bəyanatda qeyd olunur.