İran parlamentinin sözçüsü Məhəmməd Bağır Qalibaf bildirib ki, indi İranın etimadını qazanıb-qazanmayacağına qərar vermək artıq ABŞ-ın öhdəsinə düşür.

Qalibaf sosial şəbəkədə dərc etdiyi paylaşımda yazır ki, ABŞ-la danışıqlardan əvvəl İran xoş niyyət və hazırlıq nümayiş etdirirdi, lakin əvvəlki iki müharibənin təcrübəsinə görə qarşı tərəfə etimadı yox idi.

İran parlamentinin sözçüsünün dediyinə görə, Pakistanda ABŞ nümayəndə heyəti ilə görüş zamanı İran tərəfi müəyyən təşəbbüslər irəli sürüb, ama Amerika tərəfi etimad qazanmaq üçün kifayət qədər addım atmayıb. Qalibafın qiymətləndirməsinə görə, danışıqlar “intensiv” olub.

Məlumat üçün bildirək ki, İran parlamentinin sözçüsü Pakistanda ABŞ ilə keçirilən danışıqlarda Tehran nümayəndə heyətinə rəhbərlik edirdi.