İran Ali Milli Təhlükəsizlik Şurasının katibi Əli Laricani “Amerikanın ürəyinə bıçaq vuracağını” bildirir. O, ABŞ və İsrailə qarşı qisas tədbirləri ilə hədələyir.

“Amerikalılar İran xalqının ürəyinə bıçaq vurdular, biz də onların ürəyinə bıçaq vuracağıq. Silahlı qüvvələrimizin cavabı daha güclü olacaq. Onlar bilməlidirlər ki, bizi sadəcə vurub qaça bilməzlər”, – deyə İran Ali Milli Təhlükəsizlik Şurasının katibi qeyd edir.

İranda qərar qəbul edən əsas şəxslərdən biri Ayətullah Əli Xameneinin baş məsləhətçisi Əli Laricani olub. Onun dediyinə görə, tezliklə ölkə prezidenti və məhkəmə sisteminin rəhbərinin daxil olduğu müvəqqəti rəhbərlik strukturu yaradılacaq.

Bununla yanaşı, Əli Laricani bildirir ki, İran regionun liderlərini inandırıb ki, onlarla müharibə istəmir, amma eyni zamanda Yaxın Şərq ölkələrindəki ABŞ bazalarının bombardmanını davam etdirəcək.

“Birdəfəlik aydın olmalıdır ki, amerikalılar İran millətinə zülm edə bilməzlər”, – Laricani bildirib.