İran bildirir ki, ABŞ tərəfindən İran limanlarına tətbiq olunan blokada aradan qaldırılana qədər Hörmüz boğazı bağlı qalacaq.

İran dövlət mediası müvafiq bəyanatı “İran İnqilab Keşikçiləri Korpusu”nun Hərbi Dəniz Qüvvələrinə istinadən yayır.

Bununla yanaşı, Hərbi Dəniz Qüvvələri Hörmüz boğazı yaxınlığındakı gəmilərə boğaza girməmələri barədə xəbərdarlıq edib, əks halda onlar “düşmən” kimi qəbul ediləcəklər.

Məlumat üçün bildirək ki, ABŞ–İran müharibəsinin başlanmasından sonra İran Hörmüz boğazını bağlayıb. İran bildirirdi ki, İsrail Livana qarşı müharibəni dayandıracağı təqdirdə boğazı açacaq. İsrail və Livan arasında atəşkəs müqaviləsi 17 apreldə qüvvəyə minib və on gün davam etməli idi. Eyni zamanda, ABŞ İran limanlarına tətbiq etdiyi blokadanı davam etdirdi və buna görə də Tehran boğazı açdıqdan qısa müddət sonra yenidən bağladı.