Gürcüstan Parlamentinə Dövlət Təhlükəsizlik Xidmətinin rəhbəri vəzifəsinə cənab Mamuka Mdinaradzenin namizədliyini təqdim edəcəyik, – bu barədə Gürcüstanın Baş naziri İrakli Kobaxidze hökumət administrasiyasında keçirilən brifinqdə bildirib.

Baş nazirin sözlərinə görə, onun hüquq-mühafizə orqanlarında çox uzunmüddətli, çoxillik iş təcrübəsi var ki, bu da Dövlət Təhlükəsizlik Xidmətinin rəhbəri vəzifəsinin icrası üçün çox vacibdir.

“Parlamentə Dövlət Təhlükəsizliyi Xidmətinin rəhbərinin vəzifəsindən azad olunması barədə məlumat daxil olduqdan və prosedurların düzgün yerinə yetirildiyi nəzərə alındıqdan sonra, biz Mamuka Mdinaradzenin namizədliyini Gürcüstan Parlamentinə təqdim edəcəyik. Onun xüsusi təqdimata ehtiyacı yoxdur. Qeyd edim ki, onun hüquq-mühafizə orqanlarında çox uzun, çoxillik iş təcrübəsi var ki, bu da Dövlət Təhlükəsizliyi Xidməti rəisinin vəzifələrinin icrası üçün çox vacibdir.

Ötən bir neçə ay ərzində biz cinayətkarlıqla mübarizə sahəsində çox ciddi irəliləyişlər əldə etmişik. Cinayətkarlığa qarşı mübarizə, o cümlədən korrupsiyaya qarşı mübarizə, narkotik cinayətinə qarşı mübarizə, mütəşəkkil cinayətkarlıqla mübarizə baxımından mühüm addımlar atılıb. Nəticələr təsirli olsa da, ölkəmizin qarşısında duran problemləri tamamilə aradan qaldırmaq üçün əlavə səylərə ehtiyacımız var və bu işdə Dövlət Təhlükəsizlik Xidmətinin rəhbəri kimi Mamuka Mdinaradze ciddi töhfə verə bilər. Mən əminəm ki, cənab Mamuka Mdinaradzeyə parlamentdən möhkəm etimad veriləcək və ona Dövlət Təhlükəsizlik Xidmətinin rəhbəri vəzifəsində uğurlar arzu edirəm”, – Baş nazir bildirib.