Ölkəmizə və gürcü xalqına qarşı gördüyümüz ədalətsizlik “Dərin Dövlət”in günahıdır, – bu barədə Gürcüstanın Baş naziri İrakli Kobaxidze jurnalistlərə müsahibəsində bildirib.

Baş nazirin dediyinə görə, Gürcüstan hakimiyyəti sanksiyalar tətbiq etməyib və Ukraynaya könüllü döyüşçülər göndərməyib və bu da ədalətsizliklə nəticələnib.

“Ölkəmizə və gürcü xalqına qarşı gördüyümüz ədalətsizlik “Dərin Dövlət”in günahıdır. Biz 2022-ci ildən başlayaraq nə etdiyimizi xatırlatmaq istərdik – biz namizəd statusu almaq üçün ərizə təqdim etdik, bizim dövlət qulluqçularımız tərəfindən 5000 səhifəlik sənəd hazırlandı. Heç bir əsas olmadan bizə namizəd statusu verilmədi və bu ədalətsizlik əlavə olaraq bir il yarım davam etdi. Bundan sonra heç bir əsası olmayan bu haqsızlıq bir il də davam etdi. Biz sanksiyalar tətbiq etmədik, könüllü döyüşçülər göndərmədik və ardınca bu haqsızlıq baş verdi. Bunun təsadüf olduğunu düşünə bilərsiniz, lakin bu, təbii ki, təsadüf deyildi. Ədalətsizlik başladı və bu ədalətsizlik davam edir”, – Baş nazir bildirib.