İrakli Kobaxidze – Müxalifət parçalanıb, zəifləyib və bütün bunlar müxalifət nümayəndələri arasında gördüyümüz münaqişələrdə öz əksini tapıb

Müxalifət parçalanıb, zəifləyib və bütün bunlar müxalifət nümayəndələri arasında gördüyümüz münaqişələrdə öz əksini tapıb, – bu barədə Gürcüstanın Baş naziri İrakli Kobaxidze jurnalistlərə bildirib.

Hökumət başçısının sözlərinə görə, hakim komanda radikal müxalifətin zəiflətmək üçün çox iş görüb, bu səylər uğurlu olub və ölkədə demokratik sistemin qurulmasına xidmət edib.

“Müxalifət parçalanıb və zəifləyib, bu zaman immun sistemi tamamilə çökür, onların immuniteti aşağı düşüb və bütün bunlar, nəticədə müxalifət nümayəndələri arasında gördüyümüz münaqişələrdə özünü büruzə verir. Bu münaqişələr müxalifətin zəifliyinin nəticəsidir. Sözdə radikal müxalifətin zəiflədilməsi üçün biz çox iş gördük, səylərimiz uğurlu oldu və bütün bunlar Gürcüstanda demokratik sistemin birdəfəlik bərqərar olmasına xidmət edir”, – Baş nazir bildirib.